Bermeoko Txirrindulari Taldeak sortu du eskola be. Orain arte Bermeoko ziklokrossak antolatzen ibili dira. Gainera, iaztik umeentzako ziklokrossa antolatzen ibili dira, eta aurton, txirrindu eguna be antolatu dute. Jarduera bi horiek mantendu gura dituzte, «egun seinalatuak izatea gurako genuke».

Batez be umeei zuzendutako eskola

Txirrindularitza gustoko duten herriko umeei dei egin gura die, eta parte hartzera animatzen dituzte. 4-5 urtetik eta 14 urtera bitarteko umeei oinarrizko prestakuntza emotea da Bermeoko txirrindulari eskolaren helburu nagusia. «14 urtetik aurrera Gernikako txirrindulari eskolara joango lirateke, horiek baitaude horretarako prestatuta. Guk ez daukagu kadeteetatik aurrera gazteak prestatzeko beharrezkoa den monitoretza maila», azaldu du Bilbaok.

Zapaturo ibilalditxoak egingo ditu barriro martxan ipini den txirrindularitza eskolak. Lehenengo irteeraren data dagoeneko ipinita dute: ekainaren 2a. Zapaturo, 16:00etan ipiniko dute hitzordua Artike kalean dagoen hiltegian, bertan dute-eta lokala. Errotatatik gora eta behera ibiliko dira lehenengo egunean, taldeka joango dira, gainera. Derrigorrezkoa izango da, gainera, bakoitzak bere kaskoa eroatea.

Edozein herritarrek parte har dezakela jakinarazi du eskolako presidenteordeak. «Deia zabala da. Txirrindu egunean konturatu ginen umeen gurasoek be ez dakitela ondo txirrindu barriak erabiltzen. Seme-alabei esaten diote pinoia gora edo behera egiteko eta esaten dutenaren aurkakoa izan daiteke. Beraz, horiei be dei egiten diegu». Izan be, Bermeoko txirrindularitza eskolak hasieratik hasi gura du, «gutxi-gutxika, ondoren, prestakuntza zabalagoa egiteko, baina oinarritik hasi behar gara».

Ibilalditxo horietatik geroago Bermeoko eskolarako federatzea posible izango duten zenbait ume agertzea gustatuko litzaioke. Bizkaian dauden txirrindulari eskolek antolatzen dituzten txapelketetara Bermeoko eskola modura joatea izango zen helburu nagusia.

Elgezabal duela urte beteko lasterketan

Mikel Elgezabal distantzia luzeko triatletak Bilboko proba lehiatuko du bihar, duela urte beteko garaipena errepikatzeko helburuagaz. Elgezabalek jakinarazi duenez, denboraldi hasieran baino “sasoi forma hobean” dago, eta horrenbestez, datozen lasterketetan “aurreko postuetan” ibiltzea espero du. Hala, 14:20etik aurrera, denboraldiko lehenengo garaipena lortzen ahaleginduko da gernikarra.

Bilboko ironman erdira “gogotsu” heltzen da bertokoa. Dioenez, “ibilibidearen gogortasunagatik eta zaleen berotasunagatik” gustuko du proba.

Txapelketaren lehenengo partida gaur jokatuko dute Galizaren kontra, eta zapatuan, bestalde, Kataluniako taldearen kontra jokatuko dute.

Lopez entrenatzaileak lehenengo biderrez gidatuko du Euskadiko nagusien taldea.

Kadeteen mailan, Etxebarriak eta Esainek parte hartuko dute gernikarren partetik. Gazteen mailan, bestalde, San Sebastianek eta Pacualek jokatuko dute bertoko taldeagaz. Amaitzeko, nagusien partidan Etxebarriak eta U.Bidaburuk jokatuko dute Arkuperen izenean.

Liga irabazteko lehenengo pausoa Derion emon beharko du Bermeok, etzi. Hain zuzen, ligako bederatzigarren sailkatuaren kontra jokatuko du, 17:00etatik aurrera. Getxok, bestalde, ligako Santurtzi bederatzigarren sailkatuaren kontra jokatuko dute.

Bermeok 59 puntu ditu, eta Deusto hirugarren sailkatuak, bestalde, 53. Hala, geratzen diren bi partidetan puntu bakarra lortuta be, bermeotarrek play off-ak jokatuko lituzkete.

Finalaurrekoetako partidaren momentu bat

Urdaibai eskubaloi taldeak etzi jokatuko du Bizkaiko Kopako finala. Bertokoek denboraldi edarra egin dute, eta asteburuan irabaziz gero, gizonezkoen nagusiek denboraldiko bigarren titulua irabaziko lukete.

Norgehiagoka 10:00etan hasiko da Leioako Gaztelueta ikastetxean, eta aurkaria Erandioko lehenengo taldea izango da. Erandiokoek hirugarren postuan amaitu dute Bizkaiko A mailako liga, eta horrenbestez, partida zaila izango da bertokoentzat.

Halanda be, Urdaibaiko jokalariek A mailako taldeei irabazteko  gai direla erakutsi dute dagoeneko, finalaurrekoan be Escolapios A mailako bigarren sailkatua kanporatu baitzuten.

Taldetik jakinarazi dutenez,   08:00etan jokalarien autobusa urtengo da Leioarantz. Bermeoko Azokako geltokitik urtengo da, eta taldearen zaleek be autobus horretan joateko aukera izango dute.

Bertonek, Azokako Saltzaileen Elkarteak, Haitz Nagusijek, Herriko Ostalaritza establezimenduek, Itsuki irratiak, eskola agenda 21eko ordezkariek eta Turismo Aktiboko enpresek hartzen dute kanpainan parte, besteak beste. Idurre Bideguren Bermeoko alkateak parte hartzea eskertu gura izan die, haren iritziz «ezinbestekoa» delako herria guztion artean zaintzea.

Kartelak eta triptikoak kanpainaren barri emoteko

Herriko establezimendu guztietan kartelak ipiniko dituzte eta etxeetara triptikoak bidaliko dituztela jakinarazi dute. Horietan, edukiontzi desberdinen eta horietan bota behar diren hondakinei buruzko informazioa emoten da. Hondakinen kudeaketarako interesgarriak diren telefono zenbakiak be errazten dira.

Triptikoak, gainera, herria garbi mantentzeko hainbat aholku eta eskaera jasotzen ditu. Juan Carlos Agirre zerbitzuetako zinegotziak azaldu duenez, triptikoetan sastarrak, ordutegia errespetatuz, poltsa zarratuetan dagozkien edukiontzietara botatzeko eskatzen diote herritarrei. «Herri altzariak zaintzea, paperontziak erabiltzea, zigarro-puntak eta txiklerik lurrera ez jaurtitzea, alfonbrarik ez jalgitzea eta landareak auzokoak molestatu barik ureztatzea gomendatuko da», adierazi du. Bestalde, katuei, usoei eta itsastxoriei jaten ez emotea, abereen kakak batzea eta hauek lotuta eroatea eskatzen dutela esan du Agirrek. Kanpainaren bitartez, gainera, kaleko edukiontzietan birziklatu ezin daitezkeen hondakinak biltzeko Garbigunea dagoela gogorarazi du Agirrek eta altzari zaharrak biltzeko, bestalde, Rezikleta. Eguaztenetan biltzen baitituzte altzariak baina aurretiaz abisua emotea derrigorrezkoa dela azaldu du.

Arrain Azokan informazioa emongo dute

Bihar hasita domekara arte izango den Arrain Azokan kanpaina honen barri emongo dutela azaldu dute prentsaurrekoan. Horrela, Bermeoko Udaleko erakusmahaian aipatutako triptikoak banatzen izango dira eta haur eta gazteei zuzendutako jostailu birziklatuen tailerra egingo da; bihar 17:00etatik 20:00etara eta zapatuan eta domekan 12:00etatik 15:00etara.

Alternatibaren, Aralarren, Eusko Alkartasunaren eta Ezker Abertzalearen PROPOSAMENA

Lau atal nagusi ditu aurkeztuko duten proposamenak:
1. Egoeraren azterketa: Mundu mailakoa, Estatu espainiar eta frantziarrarena eta azkenik, Euskal Herrikoa.
2. Justizia sozialean oinarrituriko proiektu estrategikoaren oinarriei dagokion atala.
3. Burujabetza ekonomiko eta politikoaren beharra aztertzen eta sakontzen duen atala.
4. Azkenik, eta proposamen honen atal nagusia: krisi ekonomiko, ekologiko eta sozialari aurre egiteko ildo nagusiak barnebiltzen dituen atala.

Gernika-Lumoko Herriraren aurkezpen publikoa

Euskal presoen eta iheslarien aldeko Herrira mugimenduak Euskal Herriko plaza guztiak jendez bete gura ditu zapatuan, eta Busturialdean, Lea Artibain eta Mutrikun be deialdiagaz bat egin dute herritarrek. Hala, Gozen Plazara lelopean bertoko hamasei herritako biztanleak aterako dira kalera, presoen eta iheslarien eskubideak errespeta daitezen eskatzeko.

Mugimenduaren ustez, Espainiako eta Frantziako gobernuei «konponbidearen aldeko pausoak» emoten hasteko garaia heldu zaie, euskal gizarteak hori eskatu baitu. Hala, etzi plazak jendez betetzea eskatu du Herrirak, kartzelak husteko «lehenengo pausoa» dela iritzita.

BUSTURIALDEKO EKIMENAK

1. Ajangiz: Gauez ekitaldi bat egingo dute Mendietan, musika kontzertuak daudela aprobetxatuz.
2. Bermeo: 11:00etatik 16:00etara, presoen aldeko txosna bat jarriko dute herrian Arrain Azoka ospatzen dutela baliatuz. Bertan antxoa pintxoak dastatzeko aukera egongo da. 12:45ean presoen aldeko marrazki erraldoia egingo dute, Kasinoko atean.
3. Busturia: 13:00etan batuko dira busturiarrak Axpe auzoko udaletxearen ondoan. Ostean, Udaletxeko plazatik Altamirako plazara martxa egingo dute bildutakoek. Amaieran txistorra dastatzeko aukera izango dute busturiarrek.
4. Ea: 19:30ean, Baietz 120 elkarretaratzea egingo dute herriko plazan. Ostean, herriagaz hartu emona duten presoen senideei lore eskaintza egingo zaie. Amaitzeko, postal bat banatuko dute herriko etxebizitxetan, espetxean dauden presoei bidaltzeko.
5. Elantxobe: 13:00etan, elkarretaratzea egingo dute.
6. Gautegiz Arteaga: 13:00etan, elkarretaratzea egingo dute udaletxearen aurrean.
7. Gernika-Lumo: 13:00etan, pertsonez osatutako mosaiko erraldoia egingo dute, Domingo Alegria kalean. Ostean, trikipoteoa egingo dute, herriko tabernetatik.
8. Ibarrangelu: 13:00etan herriko plazan batu dira herritarrak, eta elkarretaratzea egingo dute.
9. Muxika: 13:00etan, batuko dira Kurtzero auzoan. Lehenengo Iosune Onaindiaren kasua aztertuko dute herri batzar baten. Ostean, enkartelada egingo dute, edo kartelak jarriko dituzte